|
Venres, 17 Agosto 2007 |
MOCIÓN DE CxB
Apertura
de expediente de responsabilidades
Meses atrás confirmouse mediante sentenza firme do Tribunal Supremo a
indemnización que o Concello de Betanzos tenlle que abonar a un particular por
un valor próximo ós 800.000 euros.
Os actuais concelleiros, e resto de integrantes de Cidadáns por
Betanzos, que naquel momento non tíñamos representación no Pleno desta
Corporación, observamos con estupor a magnitude da repercusión económica da
execución da sentenza, que vai supoñer un serio atranco ás arcas municipais
neste exercicio e os seguintes.
É momento de mirar o futuro, acatar a sentenza, indemnizar o
particular, pero sobre todo de analizar as causas polas que chegamos a esta situación.
É importante non esquecer os erros cometidos, e sobre todo poñer a claridade que
nos permita evitar que isto se repita, e sempre antepoñendo os intereses dos cidadáns
a los que representamos.
Pedimos que el Pleno desta Corporación acorde a apertura dun
expediente de responsabilidades, que alcance os seguintes obxectivos:
- Determinar
as causas que levaron ó Concello a tan desfavorable sentenza.
- Esixir,
no caso de que se probe, a responsabilidade en que incorresen por dolo, culpa o
neglixencia grave de quen corresponda, logo de valorarse mediante a instrución
do procedemento que regulamentariamente se estableza.
- Liña
de actuación aconsellable futura, que evite outra situación semellante.
-
Comunicación
oficial oa Pleno e os cidadáns da resolución do expediente.
Javier de la Fuente Lago
Concelleiro de CxB
MOCIÓN DE CxB
Dentro do Patrimonio cultural do Concello,
ocupa unha parte importante a obra gráfica (pintura, debuxo, serigrafía, etc.)
que se encontra repartida (a primeira vista) por diversos despachos e
dependencias, sen que a maioría da cidadanía teña un fácil acceso á súa visita.
Descoñecemos asemade a existencia de
calquera tipo de inventario ou rexistro no que se encontre reflectido a súa
procedencia (compra, cesión, depósito, etc) e mesmo os autores de ditas obras
ou calquera outro dato de interés respecto á súa orixe. Motivo polo que:
Propoñemos o Pleno da Corporación que, acorde
solicitar á realización do devandito inventario e mesmo (cando sexa posible)
habilitar o espacio axeitado para a súa
exposición pública. Deste xeito, aproveitaremos o patrimonio do Concello para
disfrute dos nosos conveciños e visitantes e mesmo incrementaremos a oferta
museística da Cidade.
|
|
|
Domingo, 12 Agosto 2007 |
Betanzos, 12 de Agosto 2007
No último
pleno municipal do mes de xullo, na sección de rogos e preguntas, o grupo
municipal Cidadáns por Betanzos fixo chegar ao goberno local a preocupación dos
Veciños da rúa Irmandiños sobre o peche (desde o mes de Outubro) de devandita
rúa debido ao perigo inminente de derrube dun inmoble
.
A
noticia da que se fan ecos os distintos xornais no día de hoxe di:
“El Ayuntamiento brigantino demolerá
el edificio en ruinas que es la causa de que la calle Irmandiños esté cerrada
al tráfico desde hace ocho meses, como
denunciaron los vecinos y la formación independiente Cidadáns por Betanzos”.
Énchenos de satisfacción o
comprobar que as iniciativas que o noso grupo municipal leva ao pleno cheguen a
tan bo porto como vén demostrando coa apertura das igrexas, a sinalización e a
ampliación do horario de atención da oficina de turismo, etc.
Estes bos resultados non
son mais que a proba de que se vai cumprindo, pouco a pouco, o noso programa
electoral e o levar a cabo a nosa intención de atender a todos os problemas,
grandes e pequenos, de todos os veciños de Betanzos. Neste sentido seguiremos
traballando.
Aproveitamos tan boa
noticia para desexarlles a todos os veciños de Betanzos e a todos os visitantes
(turistas, amigos e familiares) unhas felices festas.
|
|
|
<< Inicio < Anterior 61 62 63 64 65 66 67 68 69 70 Seguinte > Final >>
|